Lokasyon>>
 Paz Prensipal : Pti Bonnfanm Larivyer
|
|
Soungoula ek bann Konper
|
En prodiksyon VIRPAZ, 2004
Mezon Edisyon: Lenstiti Kreol avek finansyel 'UNESCO'
Enprimen par Imprimerie St. Fidèle
© Lenstiti Kreol
ISBN 99931-50-87-3
Eski Soungoula i sa mo Swayli, Sungura, ki vedir en lyev? Sertennman, en Sungura
ki en triker dan menm zanr ki Soungoula Sesel i egziste parmi bann lokiter Swayli
dan Les Lafrik, konfirmen par bann etidyan lalang ek literatir sorti Uganda ek Kenya
dan liniversite Leeds, Nor Langleter, an 1996.
Dapre Norbert Salomon, en travayer Arsiv ki fer resers istorik e kiltirel padan
son pastan, avan larive bann lesklav libere Sesel dan 1861 an motan, sa karakter
Soungoula isi ti koni koman Konper Lyev. Annefe, Moris, Larenyon, Lezantiy, partou
zot konn li koman Konper Lyev.
Norbert Salomon in sizere ki isi vi ki napa telman restriksyon lengwistik ek kiltirel
lo zot parey ti annan lo bann lesklav ki ti vin avan e ki zot zot kiltir ek lalang
ti’n soufer bokou lerozyon anba lopresyon kolonyal.
|
|
|