Lokasyon>>
 Paz Prensipal : Kont ek Lezann Volim 9
|
|
Proverb,Idyonm ek Lekspresyon Kreol Seselwa
|
Marie-Antoinette Alexis
En prodiksyon Lenstiti Kreol, 2004
Mezon Edisyon: Lenstiti Kreol
Enprimen par Printec Press Holdings
© Lenstiti Kreol
ISBN 99931-50-87-3
En fwa letan mon ti pe esper bis, mon ti temwany en bagar ant de madanm. Zot ti
komans zoure. En madanm aze, ki li osi ti pe esper bis, ti dir mwan ki fanm pa devret
zoure. “sa ou eksplike,” i ti azoute.
Mon pa ti port bokou lenportans avek sa ki sa madanm ti’n dir. Bokou letan pli tar, pandan en moman kot mon paran ti pe koz lo lepase, mon papa ti fer resorti ki mannyer
en madanm ti esper li obor semen pour dir li ki mannyer mon manman ti’n zour li.
A sa moman, mon manman ti reponn ki i pa ti’n zour sa madanm. I ti’n eksplik li.
La mon ti demande ki diferans ti annan ant zoure ek eksplike akoz apre tou, tou le de ti ofans dimoun, parey dan ka sa madanm. Dapre mon manman zoure i vilger e
pa tro efektiv. Leksplikasyon li i vreman tous ou oponan kot i fermal menm.
“Ansyen i manz lisyen, nouvo i manz pti vo!”
Koze I fer byen kopran.Seselwa i annan bon labous.Son parol i plase! Atraver sa
pti koleksyon parol ki Marie-Antoinette Alexis, ansanm avek Lenstiti Kreol in met
ansanm, ou a konn pli byen ki mannyer Seselwa i servi langaz imaze.
|
|
|