Lokasyon>>
 Paz Prensipal : Anthologie de Poésie Seychelloise
|
|
Griyo Lepep
|
Par Patrick Victor
En prodiksyon Lenstiti Kreol
Mezon Edisyon: Lenstiti Kreol,2007
Enprimen par Printec Press Holdings
© Edisyon Festival Kreol Sesel
ISBN 978-99931-5-001-5
Napa dout ki Patrick Victor i en vedet lo lasenn lanmizik dan Sesel, non Selman
dan konteks lakantite son lodyans e son fan, ki repann atraver Losean Endyen e menm
dan Lerop, me osi dan konteks kalite e lakantite pridiksyon ki i’n fer. Patrick
ti fer sorti son premye EP (Extended Play) ki en rikorord anviron kat sanson, an
1976. An 1976 ti en lannen sikse parske se dan sanmenm lannen ki Patrick ti ranport
Pri Lendepandans avek son sanson, “Nou pe vin en Nasyon”.
Patrick pa ti tarde pour fer sorti son premye albonm anba tit “Kouler Lokal,” e
sa ti an 1978. Se dan sa menm lannen ki Patrick, ki tit re aktiv lo lasenn kiltirel,
ti organiz premye festival lanmizik, swivi par en dezyenm festival an 1979. Evidaman
sa ti en levenman friktye kar Patrick ti fer son premye gran tour aletranze kan
i ti al perform an Canada an 1980 koman reprezantan Sesel dan en pli gran version
festival lanmizik laba.
Sikse ti swiv sikse e an 1981, Patrick ti fer en gran tournen Lerop dan konpani
Minis pour Tourizm pour promouvwar kiltir Sesel, sirtou dan konteks touristik. Dan
sa tournen, i’n perform Monaco, Marseilles, Milan, Lausanne, Rome, Torino…
|
|
|