Lokasyon>>
 Paz Prensipal : Mers Lontan
|
|
Senkant Mers Lontan
|
Mers ouswa krwayans i en lot rises ki nou bann granpye ti servi lontan e ki pe retrouv son plas dan bann aktivite kiltirel ozordi. Nou’n fer en rekey anviron en senkantenn mers ki nou asire zot pou apresye.
Pa met pake lo latet dan lakaz.
I fer mofin ouswa anmenn lanmor.
Ler si-z-er i sonnen alim lalanp.
Sansan Bondye pa pou pase.
Pa ouver parasol dan lakaz.
I port mofin.
Pa asiz devan laport ler ou ansent.
I fer ou tarde ganny baba.
Pa dormi dan lenz lanver.
I fer ou rev nanm.
Ler ou sorti lanterman pa kit sa lenz dan lakaz.
I anmenn en lot lanmor.
Pa met sapo lo latab.
I port maler.
Pa pret lezot dimoun ou balye, ou bros, ou zegwir.
I tir tou ou lasans, i gat lanmitye.
Vir balye anler ler ou’n fini balye lakaz..
I anpes nanm vin ravaze.
Pa tal lenz aswar.
Nanm i dans lo la.
Pa les piti plere aswar.
Nanm a anmas son lavwa.
Pa bon zet disel.
I efas ou batenm.
Pa konmans okenn louvraz Vandredi.
I pa pou dire oubyen pa pou fini.
Pa bon riy bokou dan Vandredi.
Akoz Dimans ou pou plere.
Pa sot en pti zanfan ler i pe dormi.
I anpes li grandi.
Pa kouver lafresisan letan pe bwi.
I touf maladi.
Pa lav ou lenz nef avan mete.
Akoz i tir lasans.
Ler ou ganny peye les larzan dormi en nwit avan depanse.
I anpes li fini vitman.
Pa donn okenn keksoz ki ou’n ganny kado.
I port laginy, i anpes ou ganny ankor kado.
Si zannimo in kit lakour pa aksepte li ankor.
I port mofin.
Pa bril vye sapo.
I fer fol.
Met seve ki’n reste dan penny dan pye bannann.
I fer seve pouse.
Pa kit lenz ou pti baba deor aswar.
I fer li ravaze aswar.
Si i annan trwa fiy dan en lakour fodre premye i marye avan.
Si sa ki pli zenn i marye avan, sa ki pli vye pa pou ganny maryaz.
Pa bon zwe konos.
I fer mizer.
Pa les personn balye ou lipye.
Ou pa pou ganny maryaz.
Pa al simityer midi oubyen apre si-z-er.
Bann nanm pe fer zot lapriyer.
Pa fer kado dimoun okenn keksoz koupe, sizo, kannif.
I koup lanmitye.
Pa les okenn pake ki ou’n anmennen anmare.
I anmar ou kouraz.
Si ou’n transpire pa met ou lenz dan soley.
I fer sek disan.
Si ou pe marse aswar devir ou lenz lanver.
I anpes ou war nanm.
Pa tir pake dan lakaz Vandredi.
I port mofin.
Pli bon zour pour fer demars i Merkredi.
Ou pou reisi.
Bwi ou lepa bwar.
Pour dimoun pa fer ou malis.
Grat dan touk avan alim dife granmaten.
Pour tir movezer.
Ler ou pe sorti pour al travay kit byen latras balye ater.
Pour ou konnen si dimoun ouswa voler in pas kot ou.
Pa azenou devan laport.
I port mofin.
Pa zet retay sifon bonnavini.
Dimoun i kapab fer ou malis ouswa fol.
Pa kit kouto deor aswar.
Dimoun i kapab servi sanmenm pour bles ou.
Pa les manrmay fer letour lakaz ler zot pe zwe.
I anmenn lanmor.
Pa krase oubyen pis dan dife.
I fer sek disan.
Le premye Zanvye fode met lenz nef, lav tou keksoz.
I anmenn lasans.
Pa anmar lake seve lo fron.
I anmar ou lespri.
Pa koup zong aswar.
I port mofin.
I bon si en ver i kase dan en parti.
Akoz i port boner.
Si lanmen drwat i grate.
Ou pou ganny let oubyen larzan.
Si lanmen gos i grate.
Ou pou depanse.
Si lizye gos i bate.
Ou pou plere.
Si ou pe manze kwiyer i tonbe.
En fanm pe vini.
Si ou pe manze fourset i tonbe.
En zonm pe vini.
|
|
|