Lokasyon>>
 Paz Prensipal : Lekspresyon Kreol
|
|
Lekspresyon Kreol
|
LEKSPRESYON IMAZE
Lekspresyon imaze i en group mo ki nou servi pour eksprim nou an servan zimaz ek metafor. I annan serten ki anmizan e serten ki ofansif. Dan sa rekey, nou pe prezant zot avek en varyete sa bann lekspresyon imaze ansanm avek zot definisyon.
Malen parey kourpa lo lapo zak.
En dimoun ki vreman bet.
Annan labous kabri.
Tou sa ki ou dir pou arive i arive.
Parey lera lasose.
Voler.
Parey marten ki pe fer lapriyer.
Fer bokou tapaz, koz tou ansanm.
Gro boy in mor.
Lafen di mwan, ler en dimoun in ganny peye.
Annan en sonmey sat.
Dormi leze.
Bous vye trou pour fouy trou nef.
Pey sa ki ou dwa avan demann ankor kredi.
I’n manz larat koson.
En dimoun ki bliy vitman.
Parey kouto nanm sennan.
En dimoun ipokrit.
Manz margoz anmer.
Pas martir, sirtou dan lavi maryaz.
Parey en gran bekin.
En dimoun ki vreman meg e gran.
Parey en bourik.
Travay bokou, en dimoun ki fer ou son lesklav.
Ekrir parey lapat bib.
Ekrir vreman ptipti.
Moule parey bef.
Pe manze san ses.
Tir delo dan ros.
Fer en dimoun fer lenposib.
Al lev lanmor reken.
Retourn lo en keksoz ki’n pase en bon pe letan pase.
Riye parey en balenn.
En dimoun ki riy vreman for.
Parey lisyen koup lake.
Onte ouswa kanmi.
Met anba tapi.
Kasyet laverite.
Konmsi pe bwar sinapodyonm.
Fer figir eg ouswa vilenn.
Antre parey koko dan magazen.
Antre enn par enn.
Parey marten lo lenz dekrase.
Mars sot sote.
Kase roule.
Fer vitman vitman.
Parey per lo lotel.
En dimoun ki ankor azen, ki pa ankor bwar ouswa manz narnyen.
Parey lakir kannot.
En dimoun ki vreman meg.
Manz lapat parey zourit.
Dan en gran traka.
Parey sardin dan bwat.
Bokou dimoun dan en sel landrwa.
Landrwa i ankonbre.
I’n ganny son bor bake.
En dimoun ki’n marye.
Parey Barabas dan lapasyon.
Fournen, kontan mel dan keksoz lezot dimoun.
Parey en moustik.
En dimoun ki ptipti e meg.
File parey patol.
Grandi ouswa pous vitman.
Vey laroul dan ou pirog.
Vey ou lokipasyon avan vey pour ou kanmarad.
Parey en bours.
En dimoun ki gro.
Parey makanbale dan lanmar sek.
En dimoun ki dan problenm e ki pe sot sote, pa konnen ki pour fer.
Parey trenas dan rigol.
En nanryen ditou, napa valer.
Lev lipye avan lev latet.
En dimoun ki’n mal leve, ki dan en move limer.
Parey gran zob dan lapas.
Voras.
Sof gato bannann.
Al dormi.
Marye dan kannson ble.
Marye forse.
Konmsi revolisyon lever.
Lafen, fer lizye blan.
Kit ou non pa kit ou lepa.
Kit en bon repitasyon deryer.
Parey piti ki pa ankor batize.
Kontan riye ouswa riy bonnavini.
Fyer konman vyey Sesil.
Swazir keksoz pour manze.
Parey lyon anba lapo mouton.
En dimoun ki paret dosil, onnet me ki saler i en move dimoun.
Disparet parey avyon.
Fek la en pti moman ou pa war li.
Zot in kas kwiyer / kas pikan.
Zot in gat zanmi.
Parey lerwa zoulou.
Annan detrwa madanm.
Parey papay pouri.
En dimoun, sirtou zanfan ki kontan tonm tousel, ki mank lenerzi dan son lekor.
Annan latet dir parey koko.
Nanryen pa antre, bet, pa konn nanryen lekol.
Lo lapay.
Napa larzan, mizer, pos i vid.
|
|
|